 |
 |
 |
 |
 |
Azala
- Xehetasunak
- Kategoria: Azala
- Bisitak: 2509
Erabiltzailearen balorazioa: 5 / 5
Askok idatzi dute euskarari buruz: Tito-Liviok, Pliniok, Estrabonek, Aymeric Picaudek, Raw Al-Mitarek, Arnold von Harffek, Lancrek…. Ez beti modu gozoan. Eta hori atzerantz joanda.
Gehiago gara mintzatu eta idazten dugunak geure herriaz, geure biziaz, eta euskaraz bizi eta idatzi nahi dugunak. Eta gehiago izan dira. Gehienek - horretarako bezain aberats ez zirelako, zentsura zegoelako…- idatzi arren ez dute argitaratu ahal izan bostehun urtez. Horien artean emakumezko askok.
Eta gure beste herrikide batzuei utzi izan zaizkie ahots eta kantu eta bertso eta idatziak: Jose Migel Barandiarani, Azkueri, Aita Donostiari, Mayi Ariztiari, Carricabururi, Maitena Salaberriri…
Gaur, XXI. mendean idazten adi diren zazpiehun emakumezko baino gehiagoren lanak irakur daitezke, eta beste honenbeste gizonezko edo gehiagorenak. Irakurle bila gabiltza. Bestela ere ehunka euskaldun ari da bertsotan, kantuan, antzerki egiten… Izan ere, euskarak aurrera egin du gure herria sortzailea delako, eta sortzaileok geure ahotsak erabiltzen ditugu zuen guztion hitzak zabaltzeko, hedatzeko, berritzeko…
Baina ez genuke kanpoko begirale horiengatik sortu nahi: zuentzat ari gara, zuekin ari gara… Euskal Herria jaso dugun altxorra da, biltzen gaituen altzoa, eta euskara xuxurlaka edota irrintzika geure bihotzak laztantzen dituen haizea gozoa.
Abenduaren 3a euskara eta Ikastolaren eguna da. Zorionak Ikastolako euskaldun eta euskaltzale guztioi asko hitz egingo da toki guztietan euskarari buruz. Euskararen eta Ikastolaren eguna da eta guk jai hartuko dugu, euskaldun garela ospatzeko, euskarazko hezkuntza maite dugulako.
Abenduaren 3an asko hitz egingo da euskarari buruz. Beste 364ak euskaraz bizitzekoak dira. Bizi euskaraz!
- Xehetasunak
- Kategoria: Azala
- Bisitak: 2439
Iazko Euskararen Eguneko argazkia. Gogoratuko zaretenez, Euskaraldia ere ospatu genuen iaz!Dakizuenez, Beasaingo Ikastola ez da ezer euskararik gabe. Eta jakina, urtero egun hauetan egin ohi dugun legez, aurten ere behar bezalako ospakizunak egingo ditugu Euskararen Nazioarteko Eguna ospatzeko!
Abenduaren 3a, asteartea, Euskararen Nazioarteko Eguna jaieguna izango da Ikastolan, baina hori dela eta, bezperan, astelehenean, abenduaren 2an egingo dugu gure ospakizuna! 16:00etatik aurrera, gure ikasleek Euskararen Egunera prestatutako abesti, dantza eta musika emanaldiak eskainiko dizkigute! Horrez gainera, DBH2ko ikasleek txokolate beroa jarriko dute salgai!
Oharra: Eguraldiak lagunduko ez balu, asteazkenean (abenduak 4), ordu berean izango da festa
Bestalde, ez dugu ahaztu behar euskararentzat eta euskal kulturarentzat, oso erakusleiho garrantzitsua izaten dela Durangoko Azoka. Aurtengoa 54. edizioa izango da, eta ostegunean (abenduak 5), Ikasleen Eguna ospatuko da. Aurtengoan ere gure DBHko ikasleak Durangon izango dira, eta gainera, Ikasleen Eguneko hainbat tailer ikusi eta zuzenean parte hartzeko aukera izango dute! 
Iaz ere Durangoko Azokan izan ziren gure DBHko ikasleak, eta primeran pasatu zuten!!!
Besterik gabe, irakurriz, idatziz, jolastuz, abestuz, dantzatuz… edota nahi den modura, baina bizi gaitezen euskaraz!!!
- Xehetasunak
- Kategoria: Azala
- Bisitak: 2836
Erabiltzailearen balorazioa: 5 / 5
Proiektu interesgarri batean murgildu zaizkigu egunotan DBH1 eta DBH2. mailako ikasleak! Fotoetxe argazki-dendak antolatuta, Idatziz edo margotuz izeneko tailer berezi batzuetan egon dira aste honetan. Bertan, hainbat argazki aztertu dituzte, eta horiek interpretatzeko gakoak ere ikasi dituzte. Ikasle bakoitzak bere argazkirik gustukoena aukeratu du, eta datozen egunetan, horien inguruko interpretazioa egingo dute bakoitzak nahi duen euskarrian: idatziz (esaldi, testu, poema edo bertso bidez) edota marraztuz.
Beraien sormen-lanaren emaitzaz datorren astelehenean (abenduak 2) gozatu ahalko dugu, izan ere, egun horretan, koadro horien inguruko erakusketa egingo baita, gure ikasleek eginiko marrazki eta testuak ere ikusgai egongo direlarik!
 |
 |
||
 |
 |
