 |
 |
 |
 |
 |
Azala
- Xehetasunak
- Kategoria: Azala
- Bisitak: 7285
Dagoeneko martxan da, 2019ko Errigora kanpaina. Urtero bezala, data hauen artean Nafarroa hegoaldeko produktu bikainez osatutako saskiak eskatu ahalko dituzue. Aurtengoan, gainera, hiru saskiren artean aukeratu ahalko duzue!
Eta zertarako eskatu saskiak? Batetik, dakartzaten produktuez gozatzeko. Bigarrenik, bertako ekoizpena sustatzeko. Eta hirugarrenik, euskarari laguntzeko. Saskiak eskatuta, hauen balioaren %25 Nafarroa hegoaldeko euskalgintzari emango zenioke!
Eskatu saskia(k) eta izan zaitez zeu ere auzolan erraldoi honen parte! Ikastolako Idazkaritzako ordutegian zure eskaera egin ahal izango duzu, datorren ostirala (azaroak 15)bitartean.
Informazio gehiago Errigora kanpainaren web orrialdean aurkituko duzue: https://www.errigora.eus/
 |
- Xehetasunak
- Kategoria: Azala
- Bisitak: 3168
Tuterako ‘Argia’ ikastolak antolatu du aurtengo Nafarroa Oinez jaia, eta pasa den igandean (urriak 21) ospatu zuten. Zoritxarrez, Nafarroako Ikastolen Festako parte-hartzaileei eguraldiak ez zien lagundu. Baina nahi izanez gero, zuk lagun diezaiekezu!
‘Argia’ ikastolari laguntza eman nahi izanez gero, egin zure ekarpena. Errenta aitorpenerako zure ekarpenaren agiria bidaliko dizugu. Modu honetara eman dezakezu laguntza:
- Laboral Kutxa -- ES39 3035 0102 3810 2005 4552
- Nafarroako Rural Kutxa -- ES58 3008 0003 0539 0183 6324
- Caixabank -- ES52 2100 3695 1322 1015 8880
Edozein ekarpen ongi etorria izango da!
- Xehetasunak
- Kategoria: Azala
- Bisitak: 3318
Erabiltzailearen balorazioa: 5 / 5
Urria etortzearekin batera, hemen datoz Kilometroak! Igandean, urriak 6, Zarautzen ospatuko da Gipuzkoako Ikastolen aldeko urteroko jaia, aurtengoan Salbatore Mitxelena ikastolak antolatuta, Ni, hi, hura, ikastola mundura lelopean! Link honetan:
DBH3 eta DBH4ko ikasleak erronkan!
Dakizuenez, Ikastolen elkarteko jaietan Erronka deitzen zaion proba-saioak egiten dira. Ikastolak eta bertako ikasleak protagonista bilakatzen dira, herri ezberdinetako ikasleak, elkarrekin ekintzetan parte hartuz, eta jakina, ondo pasatuz eta ondo pasaraziz! Aurtengoan gainera, Kilometroetan ospatuko den Erronkan, gure DBH3 eta DBH4ko ikasleek ere parte hartuko dute!
Erronkan, mota guztietako probak egin beharko dituzte, eta lehen proba egiteko jada ohar hauxe egin dute parte hartzen ari diren ikasleek: 
Erronkan parte hartuko duen Ikastolako taldea (Argazkia: Goierriko Hitza)
Lehen erronka olio zaharra biltzea da, 25 litro. Dagoeneko Ikastolako sarrera nagusian jarri dugu olioa biltzeko ontzia, eta eskertuko genizueke etxeetan duzuen olio zaharra bidoi honetan uztea ostiralerako!
Joan-etorrirako autobusa
Kilometroetara joan-etorria egiteko Ikastolak autobusa jarriko du igande goizean. Autobuserako sarrerak salgai egongo dira Idazkaritzan asteazkenean, ostegunean eta ostiralean, 16:30etik 18:00etara, hauek amaitzen diren arte.
Igandean, autobusa 8:00etan irtengo da. Itzulera ordua, berriz, arratsaldeko 18:30ean izango da. Horrela bada, lagun diezaiegun gure ikasleei Erronkan, eta anima gaitezen guztiok igandean Zarautzera, gure ikasleak animatuz egun on bat pasatzera!!!
Ni, hi, hura, ikastola mundura!!!
- Xehetasunak
- Kategoria: Azala
- Bisitak: 2464
Erabiltzailearen balorazioa: 5 / 5
Astearte honetatik aurrera (urriak 1), 2019-2020. ikasturteko bekak (0-16) eskatzeko aukera izango duzue Idazkaritzan, egun eta ordu hauetan.
Goizez:
- 9:00etatik 9:30era, eskaerak berriztatzeko
- 9:30etik 12:30era, eskaera berriak egiteko
Arratsaldez (astearte eta asteazkenetan bakarrik) 16:00etatik 17:00etara egongo da aukera eskaerak berriztatzeko edo eskaera berriak egiteko.
Ordutegi honetan etortzerik ez baduzue email bat bidali idazkaritzara (E-mail hau spam roboten kontra babestuta dago. JavaScript aktibatuta izatea behar duzu hau ikusteko.) edo telefonoz deitu: 943 88 96 17
Bekak eskatzeko azken eguna urriaren 25a, ostirala, izango da. Digitalki eskatzeko azken eguna, berriz, urriaren 29a, asteartea izango da.
