Ikastola etxe zabala da, guretzat, denontzat tokia egiten duena. Zabala, bere baitan
ikasle-arteko eta naturarekiko harremanen bidez guztion gaitasunen gune eta eragile
izan behar duelako.
Horretarako, espazioak zabalduz dihardu Beasaingo Ikastolak, espazioak eraldatuz
etengabe, egoera guztietara eta ezinbeste zaindu beharreko beharrizanei erantzuteko.
2020ko konfinamenduan zehar Ikastolak sartu-irteerak erabat berrantolatu zituen,
burbuilak mantendu ahal izateko, eta gure 3.000 metro karratuko ataritik hemezortzi
sarbide antolatu ziren.

Bestalde, plazapeko DBHko espazioetan obra txikiak burutu ditugu espazioak
zabaltzeko. 2020-21 ikasturtean musikarako darabilgun gela eta 2022rako soin-
hezkuntza, dantza edo psikomotrizitaterako baliatuko dugun 150 m2 Balio Anitzeko
gela.

Argitasuna eta gardentasuna bermatzeko ere eragin ditugu hainbat obra Haur
hezkuntzan, Lehen Hezkuntzan eta DBHn

Eta beste alde batetik, ikasleen eta ikasgaien aniztasunari modu egokian erantzuteko,
DEIko parametroen arabera, gelen erabilera egokitzen jarraitzen dugu talde-lan
dinamikak ahalbideratzeko.
Modu horretan, barne-espazioen antolaketarekin batera, kanpo-espazioetan ere
eragiten ari gara, haiek berrituaz bat, geure ikasleak espazio zabaletara bideratuz.
Espazio zabaletan natura txertatzen dugu argiaz, aireaz eta materialaz horniterakoan,
eta ikaslea izan ahal dadin eragile eta naturala nahi dugun munduaren eraikatzaile.