DOHAKO BALIAPIDEAK:

Egunero ikastolak eskaintzen dituen zerbitzuez gain, erabili nahi dituenarentzat honako zerbituz edo baliapideak eskaintzen ditu Andramendi Beasaingo ikastolak:

Estudio gela

Ikasleek etxean egin behar izaten dituzten edota egin nahi dituzten lanak burutzeko, arratsaldero estudio gela zabalik dago 4,45etatik 6,30etara. Bertan beti izaten da irakasle bat.

Liburutegia

Ikasle, guraso eta irakasleei interesatzen zaizkien liburuak irakurtzeko egun osoan erabil daiteke, eta bertan izango da arduradun bat, bai ikasleei eta baita gurasoei ere erantzuteko. Arratsaldeak libre dituzten ikasleek bertan aritzeko modua dute.

Kirola euskaraz

Eskola barruan lantzen duten gimnasiaz gain, kiroletarako prestatzaile euskalduna izango dute ikasleek astean bi edo hiru egunetan euskaraz prestatzeko. Kirol bidez lagunartea zabaldu eta euskara ez baztertzeko aukera paregabea.

Guraso eskola

Astean behin, ordu t'erdiko saioa izaten da, egungo munduan aurreikusten diren eta gure seme.alaben heziketan eragina duten errealitateez, pedagogiako tailerra... Beasaingo ikastolako gurasoentzat bakarrik.