 |
 |
 |
Azala
- Xehetasunak
- Kategoria: Azala
- Bisitak: 660
Erabiltzailearen balorazioa: 5 / 5
ONGI ETORRI BEASAINGO IKASTOLARA.
Aurten 25 urte beteko dira, gure ikastolara lehen ikasleak sartu zirenetik, 25 urte izango dira Beasaingo ikastolako lehen irakasleek bere lanaldia hemen hasi zutenetik, eta hainbeste gurasok eta familiek gugan konfiantza eta laguntza osoa eman zigutenetik.
Igandean ANDRAMENDIKO ERRATZ-FESTA egin genuen, eta ez zen izan sorginak ginelako, baizik eta igandean bertan ireki genituelako, Udaletxeko geletan aurreikusita zeuden gelak eman ez zizkigutelako.
Igande hartan ehunka lagunek antolatu zituzten astelehenerako gelak. Batzuk garbitu eta kristalak dirdiraz utzi, besteek Elorrioko Ikastolatik ekarri gure ikasle guztientzako aulki, mahai eta arbelak, eta jarri. Hura turruta hotsa, eta umore eta harrotasuna.
Astelehenean gogoan hartu nahi ditugu gure ikasle ohiak, bazkide eta familia historikoak... Eta noski, 25 urte barru beste batzuk ospatuko dute egun hau, zeren eta gainera, laster, urriarem 3an KILOMETROEN FESTA pozez, harrotasunez eta ilusioz beterik antolatzen ari garelako.
Badakigu unibertso haundi honetako hare-ale txikia garela. Hare-ale euskaldun, anitz, eta gauza guztien artean, HAURRAREN BIHOTZEZ hausnartzen duena.
Ongi etorriak, denok. Mila esker denoi Beasaingo Ikastolan jarri duzuen konfiantzarengatik.
- Xehetasunak
- Kategoria: Azala
- Bisitak: 3695
Erabiltzailearen balorazioa: 5 / 5
2020-21 ikasturtean DBH 4. mailako ikasleek In Europe School izeneko Europa mailako proiektuaren elkar trukean parte hartu dute gure historiari buruzko aipamen zailak lantzen dituen dokumentalararekin (Difficult history). EuroClio - European Association of History Educators Holandar elkarteak gidaturiko proiektu honek, unitate didaktiko zabal bat jarri du gure esku, eta Bosnia eta Serbiako gatazkek herrialde hauetan utzitako memoria historikoaren zailtasunak hausnartuz, gure historiari buruzko hainbat pasarte zail gaitzat duen dokumentala sortu dute ikasleek.
Gizarte eta ingeleseko ikasgaietan elkarkidetzan lan eginez, memoria historikoak azaleratzeko duen zailtasuna da dokumentalaren gaia. Andoni Sarriegi, Beasaingo memori historikoaren lan taldeko kidearekin elkarrizketa hitzartu zuten. Bere testigantza oinarritzat hartuz, frankistak gerra zibilean Beasaina sartu zirenetik gaur egunera memoria historikoak azaleratzeko izan dituen zailtasunak izan dira dokumentalaren haria. Behin dokumentala burututa, bideo dei bidez Amsterdango Alasca arte eskolako ikasleekin partekatu genuen. Bestalde, guk ere haien dokumentalak ikusteko aukera izan genuen eta elkarri iritziak eta galderak egiteko espazioa sortu genuen bideo dei batean.
Ikaragarri esperientzia aberasgarria izan da ikasleentzat eta EHIk ere praktika onen artean zabaldu du 2020-21 ikasturtean. Besteontzat ere oso interesgarria dela iruditzen zaigu
- Xehetasunak
- Kategoria: Azala
- Bisitak: 990
Erabiltzailearen balorazioa: 5 / 5
Isil-gordeka prestatutako hitzak, bertsoak, kantuak, dantzak... dugun onena eman ondoren, nahi dugun onena jasotzeko eguna : gure ikasleak besarkatuz eta hainbeste urteren ondoren elkarrekiko lotura gozatuz. Horixe opatu ziguten gure DBH 4ko ikasleek. Eta hauxe opatu nahi izan zien ikastolak: ezagutzen ditugula - batzuekin 16 urte haundi gozatu dugu-, maite ditugula eta noizbait, badakigula, beraiek zainduko gaituztela guk zaindu ditugun bezala. Euskal nortasunak, parekidetasunak, aniztasunak eta lurra maitatzeak elkarrengana lotuago sentiarazten gaituela, gizakoiago.
Mila esker gure gazteoi : hemen duzue zuen tokia, gurekin garatu dadin zuen etorkizuna.
- Xehetasunak
- Kategoria: Azala
- Bisitak: 1489
Erabiltzailearen balorazioa: 5 / 5
Beasaingo Ikastolako Haur Hezkuntzako ikasleak Idiazabalen izan dira. 2021-06-11
