 |
 |
 |
 |
 |
Erabiltzailearen balorazioa: 5 / 5
 |
CAJA RURALeko txirrindulari taldeko Alberto Santz eta Fabrizio Ferrari etorri dira Ikastolara, eta esplikatu digute zer nolako lana egiten duen taldean , eta nolako garrantzia duen eguneroko lanak eta elkarri laguntzeak gero irabazi ahal izateko, nola lana ondo egin arren ez den beti irabazten.... Haurrak txoratzen egon dira, eta LHko ikasleentzako kamisetak eta egutegi batzuk utzi dituzte. Helduak ere txoratzen egon gara, txirrindularitzaz bezala bizitzaz eta Ikastolako filosofiaz ari zirelakoan !
Ah.... esan digute Apirilaren 7-8an Beasainen izango direla eta joateko haurrekin beraien autobusera. Pozarren hartuko gaituztela. Halakoak dira, izan ere, gure ikasleak !
|
|
Martxoan zehar kultur ekintza asko ari gara antolatzen. Aste honetan Zinemaldiko Jaialdia eskainiko dugu. Bertan 2 urtetik 12 urtera bitarteko ikasle guztiek hartuko dute parte : antzerkia, kantuak, dantza, majia saioak.... Arratsaldeko 5etan hasiko da saioa. Tartean atsedenaldi txiki bat egingo da, haur txikiak dituzten familiek atera beharrik badute erabili ahal izan dezaten.
Aurreko urteetako Kultur Asteko irudiak www.beasaingoikastola.com orrian ikus ditzakezue Irrati-Telebistak atalean
Erabiltzailearen balorazioa: 5 / 5
Goizean ( eta eguraldi onez ) Ikastolako atarian . Haur Hezkuntzako talde guztietako ikasleek hartu eta eraman dute lekukoa. Arratsaldean KORRIKA TXIKIA antolatuta zegoen, eta egin egin dugu... baina Udaletxeko arkupetan. Lizeokoak eta Beasaingo Ikastolakoak. Eta gauekook ere pronto ! Oriamendi kaleko autobus geltokian hartuko du Ikastolak lekukoa DOLAREraino. 10:30etan!
Hona argazki batzuk. Besteak bihartik aurrera
Erabiltzailearen balorazioa: 1 / 5
 |
MARTXOAren 14ean, aukera asko izango duzu IKASTOLArekin KORRIKA EGITEKO
Egunean zehar Ikastolarekin baina aukera ezberdinak izango ditugu ospatzeko.
Goizean Ikastolako atarian 11:15etan HAUR HEZKUNTZAKO IKASLEEN KORRIKA burutuko dugu eta LEHEN HEZKUNTZAkoen laguntza pare-gabearekin. Ikastolako atarian egingo dugu, eguraldiak laguntzen badu ! Animatu gurasoak ere 15:00etan BEASAINGO KORRIKA TXIKIA. Udaletxeko plazatik irten eta erdialdean zehar egingo dute korrika ikasle eta irakasleek, eta Haur Hezkuntzako ikasleak ikusle izango dira. Gure Ikastolak lekukoa GANBO parean hartuko dugu eta Kutxa parean entregatuko du. Badakizue umeok txistu bizian joango direla…. Beraz, puntu-puntuan egon . Eguraldi txarra egiten badu, plazapean egingo da KORRIKA.
GAUEKO 10:30etan Juntakide bik hartuko dute Beasaingo Ikastolako lekukoa, Ikastolak kilometroa erosi baitu. Ahal dugun guztiok agertuko gara Oriamendi kaleko Autobús-geltoki parean
|
|
Erabiltzailearen balorazioa: 5 / 5
 |
Otsaila urteko hilabete laburrena dela jakina da, baina Beasaingo Ikastolan luze egin zitzaigun. Izan ere, denak irrikitan ginen Gorozikara joateko. Azkenean iritsi zen eguna! Otsailaren 27arekin batera han abiatu ziren LH 3. 4. 5. eta 6. mailakoak maleta handia hartuta Urdaibai inguruan hiru eguneko abentura bizitzera. Eta aze abentura!
Iritsi bezain agudo, bertako begiraleek Natur Eskolako bizikidetza arauak azaldu zizkiguten. Logelak antolatu, trasteak utzi, bazkari ederra egin eta arratsaldean Gorozika herri kaxkoa ezagutu genuen. Jolastu, jolastu, jolastu, tartean meriendatu, berriro jolastu eta jolasten jarraitu ondoren, konturatzerako iritsi zen afaltzeko ordua. Baita horrenbeste desiratutako diskofesta ere. Aze izerdiak atera genituen! Hori bai, 23:00etan denak ixilik, lo, jakinaren gainean baikinen, hurrengo eguna ekintzaz beteta izango genuela.
Eta pilak karga-karga eginda jaiki ginen. Motxila bizkarrean hartu, hotzetik eta haizetik babesteko arropak jantzi eta autobusak Sukarrietara eraman gintuen. Lehenik hegaztien behatokira joan ginen. Hantxe pasa genuen goiza. Artean, goizeko 11:00ak aldera iritsi ziren Gorozikara 1 eta 2. mailako lagunak. Hamaiketakoa egin, logelatan antolatu eta etxeko arauak azalduta Gorozika ezagutzera abiatu ziren. Lagun izan genuen momento oro Tobi, etxeko txakurra. Hark bai zaindu etxeko ataria! Laster iritsi zen bazkaltzeko ordua ere! Indarberrituta etxe ondoko frontoian hainbat jolas egin ostean, material berrerabilgarriarekin karpetak egiteko tailerrean lanean aritu ziren burubelarri. Txokolate ogitartekoa jan ondoren, mozorrotzeko aukera izan zuten ikasleek. Beraiek bakarrik ez, Tobi gaixoa ere mozorrotu zuten! Horretan ari zirela iritsi ziren Urdaibaiko paduretatik gainerako lagunak. Azkenean denak batera ginen! Dutxatu, pijama jantzi, bapo afaldu eta berriro diskofesta! Hori da hori gerria mugitzeko gaitasuna! Logeletan gaua pixka bat luzatu bazitzaigun ere, berandu baino lehen lo ginen denak. Nekea pilatzen hasia zen.
Hurrengo egunean gosaldu eta bi taldetan banatu ziren ikasleak. Gazteenek ogia egin zuten eta bigarren eta hirugarren ziklokoek bezperan hondartzan bildutako maskorrekin eskulanak egin zituzten. Bazkaltzera jaitsi ginerako prest genituen jada motxila eta maleta guztiak. Nahi baino azakarrago iritsi zitzaigun etxera itzultzeko garaia. Pozik joan ginen hala ere aita eta amaren altzora, eta sekula ahaztuko ez zaizkigun oroitzapen politekin.
