 |
 |
 |
 |
 |
Azala
- Xehetasunak
- Kategoria: Azala
- Bisitak: 2661
Erabiltzailearen balorazioa: 5 / 5
Urtero bezala, abenduaren 24ean, astelehenean, Eguberriak kantuan, dantzan eta alaitasunez beteta ospatuko ditugu Beasaingo Ikastolan!
9:30ean: DBHko ikasleak ikastolan elkartuko dira Andramendi iturrira joateko. Nahi duen oro gonbidatuta dago kalejiran joateko
10:30ean: Ikastolan elkartuko gara eta gure ikasleen saioaz gozatu ahal izango dugu
11:15ean: Olentzerorekin argazkiak ateratzeko aukera egongo da, DBH2ko ikasleek, euren ikasbidairako dirua ateratzeko salda beroa eskaintzen duten bitartean
11:45ean: Kalejiran herriko plazara joango gara
12:00etan: Herriko ikastetxeen bilkura egingo da herriko plazan. Bertan izango ditugu Olentzero eta Mari Domingi!
OHARRA: Ikasleak gurasoen ardurapean egongo dira
BEASAINGO IKASTOLATIK Eguberri eta urte berri zoriontsuak opa dizkizuegu!
- Xehetasunak
- Kategoria: Azala
- Bisitak: 2744
A zer nolako artista handiak ditugun Ikastolan! LH 6. mailako Izaro Legorburu Olanok 2018ko Gabonetako Beasaingo kartel lehiaketa irabazi du! Hortaz, Izarok egindakoa izango da aurtengo Gabonetako ekitaldiak iragartzeko ikusiko dugun marrazkia!
Baina horretaz gain, LH 5 eta LH 6. mailetako hainbat ikaslek ere aipamen berezia lortu dute lehiaketan: Zuriñe Barrero Telleria, Rajela Cauni, Intza Bueno Olea eta Intza Mella Mendizabal ikasleek hain zuzen ere!
Sari-banaketa ekitaldia gaur goizean egin dute, urteroko Beasaingo Euskal liburu eta disko azoka irekitzeaz batera
Zorionak irabazleoi, eta parte hartu duzuen ikasle guztioi!!!
 Izaro Legorburu saria jasotzen Xabier Matarranz zinegotziaren eskutik (Argazkia: Goierriko Hitza) |
 Saria eta aipamena jaso duten gure ikasleak |
- Xehetasunak
- Kategoria: Azala
- Bisitak: 2789
Erabiltzailearen balorazioa: 5 / 5
- Xehetasunak
- Kategoria: Azala
- Bisitak: 2638
Erabiltzailearen balorazioa: 5 / 5
Ikastolako LH5 eta DBH1eko ikasleak Azpeitiako Antzerki Topaketan izan ziren azaroaren 13an. LH5ekoek "Holliwoodeko izarrak" antzezlana eskaini zuten eta DBH1ekoek berriz "Amama Benidormen".
- Xehetasunak
- Kategoria: Azala
- Bisitak: 3064
Beasaingo Ikastolako ikasle, irakasle eta gurasoak Euskaraldiko talde-argazkian (2018-10-19)Andramendi Beasaingo Ikastolan ere bat egin dugu Euskaraldia ekimenarekin; gogoratuko zareten bezala, joan den urriaren 19an, Euskaraldiko talde-argazkia atera genuen, ekimenari babesa erakusteko. Baina horretaz gain, beste hainbat ekintza egingo ditugu datozen egunotan Euskaraldiaren harira!!
Euskaraldia Beasaingo Ikastolan:
Azaroak 23, ostirala:
● 15:00: LH 6. mailako ikasleek, udaletxeak antolatutako emanaldi berezi batean hartuko dute parte Gernika pasealekuko frontoian, Emakumeen Aurkako Indarkeria desagertzeko Nazioarteko Egunaren harira
● 16:15: Euskaraldiaren hasiera ospatzeko, HH 5. mailako gurasoek prestatuta gaztaina-jana egingo da ikastolan
Azaroak 30, ostirala:
Abenduaren 3a ikastolan jaieguna denez, egun horretan ospatuko dugu Euskararen Nazioarteko Eguna. Urtero bezala, hainbat ekintza egingo ditugu.
Horrez gain, Euskaraldiak irauten duen 11 egunetan, gure ikasleek hainbat ekintza ezberdin egingo dituzte: LHkoek adibidez, beraien kartelak eta Ahobizi/Belarriprest txapa bereziak erakutsiko dizkigute. DBHn, ostera, Euskaraldiarekin lotutako erronka bereziak egingo dituzte, gaiari buruzko ikasmaterial bereziak lantzearekin batera.
Euskaraldia Beasainen:
Beasain herri mailan ere, hainbat ekintza burutuko dira datozen egunotanEuskaraldia dela eta (iinformazio gehiago eta zehatzagoa link honetan aurkituko duzue: https://beasain.euskaraldia.eus/)
● Azaroak 21, asteazkena: Andoni Egañaren hitzaldia, 19:00etan, Igartza jauregian
● Azaroak 23, ostirala (Euskaraldiaren 1. eguna): txapa-jazte ekitaldia;, Takolo eta Pololo pailazoen emanaldia, 17:30ean Udaletxeko plazan
● Azaroak 28, asteazkena: Euskaraldia eta euskararen erabilgarritasuna mahai-ingurua, 19:00etan, Igartza jauregian (parte hartzaileak: Aitor Sarriegi, Idurre Eskisabel, Lorea Agirre eta Ekaitz Goikoetxea)
● Abenduak 1, larunbata: Irakurle taldearen elkarretaratzea, 18:00etan, Igartza jauregian (Gonbidatu bereziak: Uxue Alberdi eta Juan Kruz Igerabide)
● Abenduak 3, astelehena (Euskaraldiaren 11. eguna eta Euskararen Nazioarteko Eguna): amaiera-ekitaldia, 19:00etan, Udaletxeko plaza azpian
Anima zaitezte ekitaldi hauetara! Beasaingo Ikastolan ere Euskaraldiarekin bat!
