Erabiltzailearen balorazioa: 5 / 5
Beasaingo Ikastolako langile guztiok gure lana eta jakinduria jarri nahi dugu pandemia -egoera honen aurrean, zuekin batera, irakaskuntza-eredu emankorra bultzatu eta, gure lana den bezala, gizartean justiziaz eta elkartasunez eragiteko.
Irakurri, mesedez, ohar hauek ( 0-16)
1.- Beasaingo Andramendi ikastolak zabalik izango ditu familiekin komunikatzeko ohiko bideak, eta langileria bertan izango da material didaktikoa prestatzeko ikasleek ahal den neurrian modu ez presentzialean lan egiten jarraitu dezaten.
2.- Egoera berezi honen aurrean, elkarlana ezinbestekoa da lan ohiturak eta ikaste prozesua ez eteteko.
Etxean, lanketa autonomoa egiteko tarteak txertatu behar dira ordutegian eta honetarako espazio egokia sortu behar da lan giro egokian jarduteko.
Bestalde, jardueren planifikazioa egitea ezinbestekoa da bidalitako lanak egin ahal izateko. Irakasle bakoitza arduratuko da familiei zenbait baliabide, gomendio eta lanen bidalketa emailez egiteaz. Horretarako gurasoek beren seme-alaben tutoreei e-mail bat bidali beharko die, irakasleak harreman hauetarako zein helbide erabili behar duten zehaztuz:
- Etxekoekin egoteko kalitatezko denbora hartu.
- Egunerokotasunean etxean sor daitezkeen egoerak aprobetxatu beraiekin gozatzeko eta elkarlanean aritzeko: janaria prestatzen laguntzea, etxeko lanetan eta garbiketan laguntzea, etab.
- Ahozko transmisioan Euskara edo ama hizkuntza erabili: ipuinen kontaketa, abestiak ikasi eta abestu, aho korapiloak, esku jolasak, etab.
- Gailu teknologikoen erabilera kontrolatu eta helduak egokiak ikusten dituen aplikazio, bideoak, etab. erabili.
- Sortu DESKONEXIO DIGITAL TARTEAK EGUNEAN ZEHAR: Ez telebista, ez musika, ez irrati ez internet. Elkarrekin zaudeten bitartean, LANERAKO ISILTASUN GIROA lortzeko eta otorduetan eta beste tarteetan elkarrekin hitz egitea errazteko.
- Etxe batean adin tarte ezberdineko anai-arrebak daudenean, egokitu denentzako ordutegi amankomun xamarra, eta elkarri laguntzeko giroa. Helduek zaindu.
3.- Hau da gaurko egoeran eman dezakegun informazioa. Gauzak aldatu ahala emango dizuegu informazio gehiago.
4.- Datorren astelehenean adieraziko dizuegu tutoreekin telefonoz zalantzak argitzeko ordutegia.
5.- Ohar orokor hauek webgunean ere argitaratuko dira.
Mila esker
Erabiltzailearen balorazioa: 5 / 5
Hezkuntza-komunitateko kide agurgarriok:
COVID-19 koronabirusak EAEko lurralde osoan izandako aurrerapenaren aurrean, eta Eusko Jaurlaritzako Osasun Sailaren jarraibideei jarraituz, zirkular honen bidez jakinarazten dizuegu Euskal Autonomia Erkidegoko ikastetxe guztien eskola-jarduera presentziala aldi baterako eteteko hartutako erabakiaren berri...
Informazio gehiago: 
Koronabirusari buruzko informazioa
Erabiltzailearen balorazioa: 5 / 5
Badira ikasturte batzuk Andramendi Beasaingo ikastolak, Scratch proiektua erabiliz, bere Hezkuntza Proiektua garatzen duena. Proiektu hau hezkuntza etapa guztietara hedatua dago, Haur Hezkuntzako 5 urteko gelatik DBHra.
Scratch-az edo programazio edo kode lengoaia ikasteko ingurune honen bidez, ikasleei modu sortzaile eta kritikoan pentsatzen ikasten laguntzen zaie, sistematikoki arrazoitzen eta elkarlanean lan egiten erakutsiz. Ikasleek, esperimentatuz eta probatuz, esku artean jartzen zaizkien arazo-egoerak bideratzen ikasten dute konpetentzia teknologiko, pertsonal zein akademikoak garatu ahala, eta akatsetatik ikasiz. Ikaskuntza prozesu hau modu dinamiko eta entrenetenigarrian planteatzen denez, goi mailako ikasleek (argazkian LH5-6ko taldeetako ikasleek) beheko mailako ikasle batzuekin partekatzen dituzte sortutako jarduerak (jolasak, ipuin interaktiboak, bideojokoak, musika jarduerak, simulazio jolasak... ).
Informazio gehiago:
Erabiltzailearen balorazioa: 5 / 5
Hezkuntza Sailak bidali berri duen informazio hau helarazi nahi dizuegu. Hezkuntza Sailaren informazioa CORONAVIRUS-i buruz
 |
