Urtero bezala, Beasaingo Ikastolak egiten duen Kultur astearen amaierarako Jaialdia prestatu du Usurbe Antzokian. Arratsaldeko 5etan hasiko da eta nahi duten guztientzat zabalik dago.
2 urtez gorako ikasle guztiek hartuko dute parte dantzan , bertso-antzerkia eginez, kantuan, magia eginez, antzerkiarekin...
Aurreko astean eguraldi txarra medio Ikastola barruan ospatu ziren Ihauteriak eta aste horretan bertan gurekin izan genuen Galtzagorriko ipuin-kontalaria eta Xabier Dorronsoro, pilotu olaberritarra, bere lanbideak aurkezteko Ikastolak urtero egiten dituen saioen artean.
Aurreko hainbat urtetako jaialdiak ere Ikastolako ANDRAMENDI Kanalean ikus ditzakezue webgunean.
Elkarrizketa: Xabier Dorronsoro
