Ur beltzezko marrazkiak

Erabiltzailearen balorazioa: 5 / 5

Star ActiveStar ActiveStar ActiveStar ActiveStar Active

AGIRRE ,Loinaz "Ur beltzezko marrazkiak" GOIERRIKO HITZA, 2017-3-22. Iñaki Bastarrikak Sumi-e Japoniako arte diziplinari buruzko ikastaroa egin du Beasaingo Andramendi Ikastolan. Eneko Goñiren marrazkia ‘La mar de ciencia’ lehiaketako finalean da Beasaingo Andramendi ikastolan hiru asteotan tarte berezia egingo diote arteari. Hainbat ekintzen bidez, ikasleak artera gerturatu nahi dituzte...

Gehiago irakurri: Ur beltzezko marrazkiak

DAISUKE

Erabiltzailearen balorazioa: 5 / 5

Star ActiveStar ActiveStar ActiveStar ActiveStar Active
   
Iñaki Bastarrika    
DAISUKE 

Letretan urteak eman ondoren, marrazki txikiak egiten hasi zen eta geroztik ez dio utzi marrazteari, gutxi edo asko. Gehienetan soiltasunera jo du, arrasto gutxi batzuekin zerbait adieraztera. Sumi-e deitzen den diziplina ikasten hasi zen, urbeltz japoniarra, tinta beltzarekin paperean egiten dena: banbuak, orkideak, behe-lainodun mendiak…

Gogoz saiatu da diziplina horretan, eta azkenean ikusi du bere berezko joera, gehienetan sintesirako dela, hau da, trazu gutxi batzuekin paisaia irudikatzera jotzekoa.

Azken pausoa, biribila aurkitzea izan du, biribilak eta biribilak egiten hasi da tintaz pintzelarekin, eta hala topo egin du Kazuaki Tanahashi kaligrafo, itzultzaile eta margolari japoniarraren lanarekin- internet medio-, zirkuluak egiten maisua baita hau. Heart of the brush (isipuaren bihotza) Asia ekialdeko kaligrafiari buruzko liburuaren egilea ere bada kaligrafoa.

   

Biribilekin pertsona bat marrazteko, esaterako, hiru biribil aski ditu Daisukek orain: burua, gorputza, eta bihotza adierazteko.

Era berean, papera eskuz nola egiten den jakin duenetik, miresmen berezia dio paperari, tinta bere baitan hartzen duen lautada zuri horri.

Andramendi ikastolako ikasleekin batera landutako irudiak hauek dira: biribila (zen tradizioa aintzat hartuz), udaberri hitza idazteko kanjia; orkidea (sumi-en udaberria sinbolizatzen duen landarea), eta Andramendi ikastolako logoa urbeltz japoniarrarekin egina. Horrela osatu da “Udaberria, bizi egarria” erakusketa.

Daisuke izena eleberri japoniar batetik aterata dago, izen hori hartzen du Iñaki Bastarrika-Izagirre-k ekialdeko airea duten marrazkiak egiterakoan.

bAst 2017

Udaberria,bizi egarria

Erabiltzailearen balorazioa: 5 / 5

Star ActiveStar ActiveStar ActiveStar ActiveStar Active
arte urratsak1    
     

Hurrengo hiru asteetan Ikastolan arteari tarte berezia egingo diogu. Ekintza desberdinen bitartez gure ikasleak artera gerturatu nahi ditugu eta egingo ditugun ekintzen berri ematea da gure asmoa:

Martxoak 15-16-17. DBHko ikasleak JAPONIAko kulturan murgiltzeko IKTak erabiliz Japoniari buruzko informazioa bilatuko dute, Lao-Tseri buruz informazioa jasoko dute eta Mononoke Printzesa izeneko animaziozko filma ikusiko dute.

Martxoak 20: DBH-ko ikasleek SUMI-E ikastaroa izango dute Iñaki Baztarrikaren eskutik.

Zer da Sumi-e?

Diziplina sortzaile bat da, tintaz egindako pintura monokromatikoa.

Isipu edo pintzelarekin egiten den pintzelada edo ukitua iraunkorra da eta ez zaio ondoren beste konponketarik egiten. Izadiaren espiritua barneratu behar da eta hori adierazi modu soil eta aratzean. Trazuek seguruak izan behar dute, bapatekotasuna ongi adierazteko. Antzaematea baino, funtsa adieraztea da asmoa. Ahalik eta gutxienarekin ahalik eta gehien lortzea du xedea.

Aprilak 5: LH 5-6 eta DBHko ikasleek Donostira egingo dute irteera. Honen helburua, hiriburuko espazio desberdinetan arteak duen presentziaz jabetzea eta espresio bide desberdinak erabiltzea izango da ( irudiak jaso, eskulturak ikusi, marrazkiak sortu, dantza, musika...). Eguna amaitzeko egun horretarako prestatzen ari garen koreografia bat eskainiko dute arratsaldeko 5etatik aurrera.

OHARRA: azken saioa eskola orduz kanpo izango denez, (5etatik 5:45etara) zein ikaslerekin konta dezakegun jakin behar dugu ostiralerako, tutoreari jakinaraziz.

LAGUNTZA ESKAERA:

   

Koreografia horretarako zenbait arropa prestatu behar dira eta horretarako josten dakien jendea behar dugu, prest bazaudete idazkaritzan esan.

Martxoaren 8a Beasaingo Ikastolan

Erabiltzailearen balorazioa: 0 / 5

Star InactiveStar InactiveStar InactiveStar InactiveStar Inactive

Showcases

Background Image

Header Color

:

Content Color

: