 |
 |
 |
 |
 |
Azala
- Xehetasunak
- Kategoria: Azala
- Bisitak: 2617
Gure DBHko ikasleek ez dute denborarik galtzen! Izan ere, maiatzean zehar, hainbat jarduera ezberdinetan hartu dute parte!
Bilboko Zientzia Azokan sari eta guzti
Lehenik, pasa den larunbatean (maiatzak 11), DBH 1eko ikasleak Bilbora joan ziren Elhuyar Fundazioak antolatutako Zientzia Azokara. Proiektu bat prestatu zuten, eta sarituak izan ziren gainera!! Zorionak!!!
Telebistako sekretuak zuzenean ikusten!
Eta pasa den asteazkenean (maiatzak 15), DBH 1, 2 eta 3ko ikasleak Euskal Telebistako “Gure Kasa” programara joan ziren publiko gisa!
Telebistako programa batek nola funtzionatzen duen ikusteaz gain, aukera izan zuten bertako hainbat profesionalekin hitz egin eta argazkiak ateratzeko, hala nola: Julen eta Antton Telleria aurkezleak, Zuriñe (Aitziber Garmendia aktorea), Iban Garcia youtuberra…
 |
 |
- Xehetasunak
- Kategoria: Azala
- Bisitak: 2611
Dakizuen bezala, apirilaren 4an hasi zen Korrikaren 21. edizioa Garesen (Nafarroa), eta datorren igandean, apirilaren 14an, bukatuko da Gasteizen. Eta gogoan izan: Klika lelopean, hamar egunez Euskal Herri osoa zeharkatzen ari den ekimen sozial hau Beasaina ere heltzear da! Izan ere, apirilaren 13an, larunbat goizaldeko 06:40ean iritsiko da gure herrira!! Ohi bezala, Andramendi Beasaingo Ikastolako ikasle, irakasle eta gurasook modu aktiboan egingo dugu euskararen alde klika!
Baina gu bezperatik ibiliko gara Korrikaren alde motorrak berotzen, izan ere, ostiralean, apirilaren 12an, ikastolako LHko ikasleok Korrika Txikia-n parte hartuko dugu!!!
KORRIKA TXIKIA: Egitaraua
10:30ean hasiko da Korrika Txikia. Guk, lekukoa Oriamendi kalean hartuko dugu (Otea dendaren parean) eta tren geltokiraino eramango dugu. Herriko kaleetan barrena ibili ondoren, Loinazko San Martin plazan egingo da ekitaldi nagusia, eta bertan herriko ikastetxeetako ikasleek hartuko dute parte, Aspace erakundekoekin batera.
Bertan, lekukoa ireki eta mezua irakurriko da (tartean izango dira gure ikasleek idatzitako bertsoak ere). Ondoren, Korrikako abestiaren dantza-koreografia egingo dute. Musika eskolako bandak musika jarriko dio ikuskizunari!
Haur Hezkuntzako ikasleek ikastolan bertan ospatuko dute beraien “Korrika txikia”, plazako ekitaldia amaitzen denean
KORRIKA girotzeko festa ostiral arratsaldean
Baina arratsaldean ere, aukera izango dugu Korrika datorrenerako motorrak berotzeko!
● 17:00 - Ludotekakoek haurrentzako ekintzak antolatuko dituzte herriko plazan
● 17:30 - Herriko txistulariekin batera buruhandiak eta erraldoiak irtengo dira. Ikastolako hainbat ikaslek txistulari moduan parte hartuko dute
● 18:30 - Korrikako abestiarekin flashmob bat grabatuko da herriko plazan
● 19:00 - Taloak probatzeko aukera izango da, eta trikitilariak ibiliko dira kaleetan barrena giroa berotuz
Larunbatean, 07:00ak aldera iritsiko da KORRIKA Beasaina!!!
Larunbatean, hilak 13, 07:00ean iritsiko da Korrika gure herrira! Ikastolak lekukoa Goleta tabernaren parean hartuko du (San Inazio kalea) eta Otea denda pareraino eramango du (Oriamendi kalea). Ondoren, gosari irekia hartzeko aukera izango da herriko plaza azpian: txokolate eta salda beroa.
Oharra: Korrika iritsi baino 20 minutu lehenago lekuan bertan egotea komeni da
Animatu eta parte hartu!!! Egin dezagun korrika, eta egin dezagun euskararen aldeko klika!!!
