 |
 |
 |
 |
 |
Erabiltzailearen balorazioa: 5 / 5
Familia agurgarriok :
Etxetik ari gara lanean gu ere. Beasaingo Ikastolako irakasle guztiak, eta orain baita administrazioa eta zuzendaritza ere. Beasaingo Ikastolak on-line eskainiko ditu hemendik aurrera zerbitzu guztiak. Zuen tutoreekin harremana on-line egin dezakezue, eta baita Ikastolako administrazioarekin ere.
2020-3-30ekok Dekretua dela eta gurekin telefonoz erabiltzeko bi mugikor telefono hauek dituzue eskura (Ikastolako egutegian ageri dira):
665 73 97 50 eta 688 80 66 92.
Bertan zuen zalantzak argitu edota bertatik antolatuko da zuei eman beharreko erantzuna. Ez ahaztu, ondoren, telefono ezkutu bateko deia jasoko duzula.
Webgune honetan ere informazioa eguneratuta duzue
Mila esker, zuen arretarengatik. Zuen etxean eta inguruan ondo izango zaretelakoan, agurtzen zaituztegu, zuei arreta emateko gure prestutasun osoz. Ondo izan
Erabiltzailearen balorazioa: 5 / 5
Erabiltzailearen balorazioa: 5 / 5
AURREZ AURREKO BILERAK EGITEA EKIDINGO DA. Ikastolan gutxieneko zerbitzuak mantentzeko adina jende izango da aldi oro. Irakasleak, 2020-03-17tik aurrera etxetik ari dira lanean.
HARRERA TELEFONIKOA 8:00-12:30.
- Ordutegi horretatik kanpo, e-postaz komunikatzea eskatzen da, edota irakasleari eposta mezua jartzeko hitz egin nahi duzula adieraziz, irakaslearen lan ordutegiaren barruan.
- Ikastola itxita dago baina lanean ari gara. Mantendu egiten da etxetik lan egin arren, irakasleen arreta ordutegia. Zuen seme-alaben tutorearekin e-postaz harremanetan jar zaitezke ohiko ordutegian.
- Ikastolako zuzendaritza eta administrazio taldetako ordezkariak familiei arreta emateko ikastolan egongo dira ordutegi horretan : 943889617
- Telefonoz irakasleekin hitz egiteko ere ordutegi berbera mantentzen da. ondorengo telefonoak erabiliz: 665739750 (HH02) 688 80 66 92 (DBH) 943889617 (HH2-LH6 eta administrazioa)
BESTE INFORMAZIO-GUNE BATZUK
Beasaingo Ikastolako ikas-komunitatea informatuta mantentzeko ikastolak dituen bide guztiak: e-posta, gelaka antolatuko diren driveak, oharrak, sare sozialak…
Ez ahaztu www.beasaingoikastola.eus webgunean eskura dituzuela oharrak, asteroko menua eta ikasleentzako egokiak izan daitezken hainbat baliabide, youtube kanalaren bidez…
GELAKO DRIVEak MAILA GUZTI-GUZTIETAN
Normalean tutoreak jarriko dira zuekin harremanetan arlo pedagogikoari dagozkion gaiak lantzeko, HH0-2tik aurrera.
Zuen seme alaben eskola jarduna eskaintzeko baliabide digitalak erabiliko ditugu. Tresna digitalak prest ditugu. Erronka izango bada ere, lortuko dugu ikasketa prozesuarekin jarraitzea. Paperezko baliabideak ere ezinbestekoak ikusten ditugu LH4ra bitarte. Jarraitu irakasleek emandako aholkuak.
Erabiltzailearen balorazioa: 5 / 5
Guraso agurgarriok.
Ikastolan ez dago jangela-zerbitzurik, baina asteroko menuaren antolaketarekin jarraitzen dugu.
Ondorengo dokumentuan aste honetarako menu proposamena bidaltzen dizuegu.
Bi helburu lortzeko asmotan:
1. Egun hauetan ere osasuntsu elikatzeko
2. Erosketak planifikatzeko. Animatu zuen seme alabak otorduen prestaketetan parte hartzera. 
ASTE HONETAKO MENUA
 |
Erabiltzailearen balorazioa: 5 / 5
Beasaingo Ikastolako langile guztiok gure lana eta jakinduria jarri nahi dugu pandemia -egoera honen aurrean, zuekin batera, irakaskuntza-eredu emankorra bultzatu eta, gure lana den bezala, gizartean justiziaz eta elkartasunez eragiteko.
Irakurri, mesedez, ohar hauek ( 0-16)
1.- Beasaingo Andramendi ikastolak zabalik izango ditu familiekin komunikatzeko ohiko bideak, eta langileria bertan izango da material didaktikoa prestatzeko ikasleek ahal den neurrian modu ez presentzialean lan egiten jarraitu dezaten.
2.- Egoera berezi honen aurrean, elkarlana ezinbestekoa da lan ohiturak eta ikaste prozesua ez eteteko.
Etxean, lanketa autonomoa egiteko tarteak txertatu behar dira ordutegian eta honetarako espazio egokia sortu behar da lan giro egokian jarduteko.
Bestalde, jardueren planifikazioa egitea ezinbestekoa da bidalitako lanak egin ahal izateko. Irakasle bakoitza arduratuko da familiei zenbait baliabide, gomendio eta lanen bidalketa emailez egiteaz. Horretarako gurasoek beren seme-alaben tutoreei e-mail bat bidali beharko die, irakasleak harreman hauetarako zein helbide erabili behar duten zehaztuz:
- Etxekoekin egoteko kalitatezko denbora hartu.
- Egunerokotasunean etxean sor daitezkeen egoerak aprobetxatu beraiekin gozatzeko eta elkarlanean aritzeko: janaria prestatzen laguntzea, etxeko lanetan eta garbiketan laguntzea, etab.
- Ahozko transmisioan Euskara edo ama hizkuntza erabili: ipuinen kontaketa, abestiak ikasi eta abestu, aho korapiloak, esku jolasak, etab.
- Gailu teknologikoen erabilera kontrolatu eta helduak egokiak ikusten dituen aplikazio, bideoak, etab. erabili.
- Sortu DESKONEXIO DIGITAL TARTEAK EGUNEAN ZEHAR: Ez telebista, ez musika, ez irrati ez internet. Elkarrekin zaudeten bitartean, LANERAKO ISILTASUN GIROA lortzeko eta otorduetan eta beste tarteetan elkarrekin hitz egitea errazteko.
- Etxe batean adin tarte ezberdineko anai-arrebak daudenean, egokitu denentzako ordutegi amankomun xamarra, eta elkarri laguntzeko giroa. Helduek zaindu.
3.- Hau da gaurko egoeran eman dezakegun informazioa. Gauzak aldatu ahala emango dizuegu informazio gehiago.
4.- Datorren astelehenean adieraziko dizuegu tutoreekin telefonoz zalantzak argitzeko ordutegia.
5.- Ohar orokor hauek webgunean ere argitaratuko dira.
Mila esker
