 |
 |
 |
 |
 |
- Xehetasunak
- Kategoria: Azala
- Bisitak: 291
Erabiltzailearen balorazioa: 5 / 5
Andramendi Ikastolako ikasleak Zaldibiako Lardizabal eskolako ikasleekinAndramendi Beasaingo ikastolan, gure ikasleak elkarrekin hazi eta hezteko konpromiso sendoa dugu. Izan ere, hezkuntza ezin da ulertu elkarlanik gabe. Gure ikasleek hasiera-hasierako urteetatik jakin behar dute elkarrekin lan egitea helburuak erdiesteko bidea dela, eta horretarako bitarteko hauek hartu behar dituzte kontuan: elkarrekiko errespetua, kooperazioa, aktibotasuna eta ekimena. Giza-balore horiek aintzat hartuz, ikasle bakoitzak gainera satisfakzio eta onura pertsonalak ere lortzen ditu, auto-estimua hobetzea eta norberaren autonomia handitzea, besteak beste. Ikastola gisa, hori sustatzen saiatzen gara, eta horixe da gure filosofia nagusia Haur Hezkuntzatik hasita Derrigorrezko Bigarren Hezkuntzaraino. Eta elkarlan horren baitan, jakina, garrantzi berezia ematen diogu genero berdintasunari edo parekidetasunari.
Baina gure xede hori ez da klase orduetara bakarrik mugatzen, eta eskolaz kanpoko ekintzetan, gure filosofia horrek badauka bere lekua; horren adibidea da Eskola Kiroleko Programaren kasua. Badira hainbat urte, aisialdirako kirol ekintza gisa, gure ikastaldeek bertan parte hartzen dutela. Helburu nagusitzat, oraintxe aipatu dugun elkarlanaz gain, kirolaren bidez taldean jolas egitea, ondo pasatzea, eta euren osasuna mantentzeko ohitura onak hartzea izan dira.
Hainbat taldetan neskak zein mutilak bereizi egiten zirela ikusita, eta gure ikastolako hezkuntza erabat genero berdintasunean oinarritutako elkarlanean garatua dela jakinik, talde parekideak sortzeko konpromisoa hartu genuen 2008an. Parekidetasuna hezkuntzaren oinarrizko ezaugarria da, bai klasean eta baita hortik kanpo ere; hori dela eta, hutsune handi bat zela iruditzen zitzaigun gure ikasleak euren sexuaren arabera sailkatzea. Izan ere, kirolak ez du generorik, eta ikasle bakoitzak bere jolaskideekin batera jolas egin eta parte hartzeko eskubidea dauka, inolako bereizketarik gabe.
2018ko uztailean Gipuzkoako Foru Aldundiaren eskola-kirolari buruzko 02-109/2018 Foru Aginduak bide berriak urratu ditu eta gure urteetako jardueran aurrerapausu handia eman ahal izan dugu. Izan ere, azken bi urteetan gure taldeak parekideak izan arren, beti mutilen kontrara jokatzera behartuak izan gara.
Andramendi Ikastolako ikasleak Legorretako Ugaro Herri Ikastetxeko ikasleekinUrteetako lanaren ondoren, eta bidean izandako zailtasunei aurre eginez, 2018-2019. ikasturtean liga parekide bat sortzea lortu dugu Goierrin, eskualdeko Zaldibia, Legorreta edo Olaberrikoekin batera
● Gure haurrak elkarlanera bultzatzea nahi dugu
● Kirol ezberdinak probatuz jolas egiteak, onura anitzak dituela badakigu (osasunaren aldetik, talde-kohesioaren aldetik, eta baita onura pertsonalaren arlotik ere).
● Eskola kirola ezin da ulertu neskak eta mutilak bereiziko dituen ekintza bezala; denek, baldintza eta modu berdinean, inolako bereizketarik gabe, jolastu eta praktikatu behar dute kirola euren artean, elkarrekin eta elkarrengandik ikasiz.
Jakina, kirola modu hezitzailean egitera bultzatzen duten gainerako giza baloreak ere ez ditugu alde batera uzten: talde jokoaren garrantzia, joko garbia, aurkarienganako errespetua, umearen heldutasun-prozesua sendotuz, eta jokoa (emaitzak) baino, JOLASA lehenetsiz.
Gisa honetan, parekidetasuna, jolasa, osasuna eta elkarlana xedetzat dituen Eskola Kiroleko ereduan parte hartzera animatzen ditugu gure ikasle eta familiak. Izan ere, horrelaxe lortuko genukeelako kirolaren bidez ere, gure ikasleak elkarrekin hazi eta heztea.
- Xehetasunak
- Kategoria: Azala
- Bisitak: 424
Erabiltzailearen balorazioa: 5 / 5
Leemos con una mezcla de estupor, enfado y pena el artículo firmado por Jon Muxika Perea y Javier Iglesias Rodríguez en GARA el pasado viernes 14 de diciembre. Y enfatizamos el calificativo «pena», porque esa es la principal impresión que recibimos al leer el mencionado artículo. Hace unos días hacía Tasio Erkizia un emplazamiento público a evitar la confrontación entre redes, pero vemos que ha caído en saco roto; parece que algunos son incapaces de defender sus proyectos, ideas, propuestas, sin atacar a los demás. Nosotros no vamos aquí a atacar a ningún otro sector educativo. La experiencia nos ha enseñado dos cuestiones: que nadie es propietario de la verdad absoluta, que existe una infinidad de matices a analizar, contrastar y debatir; y que nunca hay que entrar en un debate (si verdaderamente queremos hablar de debate) utilizando el ataque como argumento, sino defendiendo nuestras propuestas, en positivo. Es nuestra filosofía y modo de actuar que, además, intentamos inculcar a nuestro alumnado. En este escrito eso haremos, intentar esclarecer la realidad de nuestras ikastolas frente a las acusaciones del artículo citado. Gehiago Irakurri...
- Xehetasunak
- Kategoria: Azala
- Bisitak: 326
Erabiltzailearen balorazioa: 5 / 5
- Xehetasunak
- Kategoria: Azala
- Bisitak: 317
Erabiltzailearen balorazioa: 5 / 5
DBH1eko Komunikazio tailerreko ikasleek Jogis Kuku Txokoa izeneko web orrialde berria sortu dute. Bertan beraiei buruzko albisteak, argazkiak, bideoak, proiektuak… igoko dituzte!
Hemendik aurrera, beraz, badugu zer ikusia eta zer gozatua! Hementxe uzten dizuegu web orrialdearen linka: https://oigual.wixsite.com/kukutxokoa
- Xehetasunak
- Kategoria: Azala
- Bisitak: 366
Erabiltzailearen balorazioa: 5 / 5
Urtero bezala, abenduaren 24ean, astelehenean, Eguberriak kantuan, dantzan eta alaitasunez beteta ospatuko ditugu Beasaingo Ikastolan!
9:30ean: DBHko ikasleak ikastolan elkartuko dira Andramendi iturrira joateko. Nahi duen oro gonbidatuta dago kalejiran joateko
10:30ean: Ikastolan elkartuko gara eta gure ikasleen saioaz gozatu ahal izango dugu
11:15ean: Olentzerorekin argazkiak ateratzeko aukera egongo da, DBH2ko ikasleek, euren ikasbidairako dirua ateratzeko salda beroa eskaintzen duten bitartean
11:45ean: Kalejiran herriko plazara joango gara
12:00etan: Herriko ikastetxeen bilkura egingo da herriko plazan. Bertan izango ditugu Olentzero eta Mari Domingi!
OHARRA: Ikasleak gurasoen ardurapean egongo dira
BEASAINGO IKASTOLATIK Eguberri eta urte berri zoriontsuak opa dizkizuegu!
